As traballadoras da UNVI continuaremos coa loita mentres a empresa siga sen respectar os nosos dereitos nin a nosa dignidade.
No marco da negociación do convenio colectivo, as traballadoras amosamos en todo momento vontade de avanzar cara a un acordo xusto, chegando mesmo a desconvocar xornadas de folga previamente anunciadas para facilitar a negociación. Porén, a empresa responde cun desinterese deliberado, cunha estratexia clara de empeoramento das condicións laborais e de precarización da clase traballadora.
Na mañá de hoxe, tras un intento de negociación totalmente inxusto, que supera as liñas vermellas marcadas pola asemblea de traballadoras, vémonos na obriga de manter as xornadas de folga.
A empresa pretende impor un novo réxime disciplinario excesivamente represivo e sancionador, cunha grave restrición de dereitos, así como eliminar as pólizas do seguro, negándose a asumir as cotas.
As traballadoras queremos negociar, pero non imos aceptar retrocesos nin perdas de dereitos.
Retomamos as folgas o 28 e 29 de xaneiro.
Seguimos na loita por un convenio digno.
