“WE ALL CARE”
A campaña da vergoña en Stellantis.
Coincidindo coa Semana Europea da Seguridade e a Saúde, Stellantis lanza a campaña “We All Care Days” con charlas e accións de “cultura preventiva” en todas as plantas do Estado. A empresa pretende proxectar unha imaxe de responsabilidade e coidado, pero para a CUT isto non é máis que o coñecido “wellbeing washing,” un lavado de cara corporativo, maquillar con publicidade o que na realidade son problemas estruturais de saúde laboral.
Mentres se fala de benestar emocional con mensaxes motivacionais e charlas de quince minutos, a dirección continúa ignorando a raíz do problema:
- Precariedade e inseguridade laboral.
- Exceso de ritmos e presión produtiva.
- Lesións músculo-esqueléticas e enfermidades profesionais.
- Horarios imprevisibles e dificultades de conciliación.
- …
A CUT denuncia que estas campañas cargan a responsabilidade sobre as persoas traballadoras, culpabilizándoas do seu propio esgotamento, ao tempo que se ocultan riscos reais e deberes legais da empresa. A chamada “cultura preventiva” limítase a xestos simbólicos. Mentres non se introduzan cambios substanciais; reducir cargas de traballo, mellorar a ergonomía, recoñecer as enfermidades profesionais e garantir a participación e transparencia en saúde laboral, nada trocará.
A saúde é un dereito, non unha acción de márketing. O benestar non se finxe: ou se garante con medidas reais, ou non é máis que propaganda corporativa.
E si, tal e como recolle recentemente os voceiros da patronal, a CUT perdeu un xuízo en Vigo, en primeira instancia (xa está presentado o recurso) contra a empresa e o protocolo de calor que temos no centro, que coma todon é aceptado polo trío; SIT, UGT, CC.OO e no que coma sempre os seus avogados, non dubidaron en defender os intereses da empresa fronte a saúde das persoas traballadoras. Sobre este tema xa ampliaremos a información, que ben o merece…
