Dende a CUT Galiza presentamos unha ILP (Iniciativa Lexislativa Popular) na que solicitamos medidas extraordinarias para a consolidación dos postos de traballo no sector público galego cun concurso de méritos no que prime a experiencia. As cotas de temporalidade de longa duración chegan ao 80% nalgún sector. Traballadoras de residencias de maiores, sanidade, educación, escolas infantís, etc. encadean contratos temporais mentres se inicia un proceso de privatización do público.   É por isto que pedimos o que de xustiza corresponde a aqueles que sustentan o sistema público co seu esforzo: estabilidade laboral e igualdade de dereitos e oportunidades no desempeño das súas funcións.