O 100% do persoal da empresa Alfrio (elaboración de produtos do mar conxelados e precociñados e con sede en Ribeira) secundou a convocatoria de folga realizada polo Comité de Empresa (composta polos sindicatos CUT, CCOO e CIG) para a xornada deste venres , 8 de novembro.
A folga terá continuidade os días 14, 22 e 29 de novembro e 5 de decembro se a empresa non muda a súa actitude de non respostar axeitadamente ás demandas que se propoñen na Negociación do Convenio.
A oferta empresarial, cativa nos salarios e nula en melloras sociais, foi rexeitada pola asemblea de traballadoras que votou a favor de que se convocase a folga.
