A CUT estará presente como organización sindical afiliada no 80 aniversario da fundación da Federación Sindical Mundial (FSM-WFTU) que terá lugar este 3 e 4 de outubro. O noso sindicato estará representado por Manolo Camaño, Secretario de Relacións Internacionais.
O encontro terá lugar en París, o mesmo lugar onde aconteceu en outubro do ano 1945 a constitución da Federación Sindical Mundial.
Nesta celebración, organizada pola CGT francesa, está prevista a asistencia de máis dun cento de sindicatos de Europa, Asia, Africa e América.
O xenocidio contra o pobo palestino terá un papel estelar no evento, en coherencia coa traxectoria da FSM e dos sindicatos afiliados de solidariedade coa causa da Palestina.
