Automoción pide frear mortes no traballo e chama á protesta solidaria

90

A coordenadora da automoción da CUT denuncia que a saúde non é un negocio, esixindo que se lle poña freo ao regueiro de mortes que a precariedade laboral está a deixar atrás de si. Así mesmo fan un chamamento a que os Comités de Empresa do sector garden un minuto de silencio solidario na mañá do mércores 17 de xuño.

De xaneiro a abril faleceron un total de 231 persoas traballadoras en accidente laboral no estado. O ano pasado só en Galiza faleceron 65 persoas traballando, ocupando o 5º lugar no total do estado.

O venres día 5 de xuño un accidente laboral na empresa “Componentes de Vehículos de Galicia”, no polígono das Gándaras, acabou coa vida dunha traballadora atrapada por unha máquina hidráulica. A compañeira faleceu este pasado venres día 12. Esta traballadora, con contrato eventual, levaba menos de 6 meses traballando na empresa. A precariedade no sector da automoción está a incrementarse exponencialmente o que unido os altos ritmos e cargas de traballo, supón un serio risco para a sáude.

O ano pasado só en Galiza faleceron 65 persoas traballando, ocupando o 5º lugar no total do estado.

Dende a coordenadora da automoción da CUT queremos dicir que abonda xa. Abonda de mortes no traballo, abonda de precariedade laboral que mata, abonda de primar o beneficio económico sobre a vida e a saúde das persoas. Abonda de normalizar as condutas perigosas que priman a produción. A saúde non é un negocio.

Queremos facer un chamamento a tódolos comités de empresa da industria da automoción do país, para que soliciten nas súas respectivas fábricas, a celebración dun minuto de silencio en sinal de recordo a compañeira falecida, o próximo mércores as 12 do medio día. Un acto que ademais sirva para concienciar a todas as persoas traballadoras de que non podemos permitir presións para producir máis rápido cando a nosa vida é o que está en xogo.