A CUT obtén a maioría en Aldeas infantís tras as eleccións en Compostela

232

A candidatura da Central Unitaria de Traballadoras obtivo o apoio maioritario nas eleccións sindicais conxuntas para os centros de Compostela e A Coruña celebradas este xoves, 20 de xuño, ás que tamén concorría unha candidatura por CC.OO.

“A CUT agradece a confianza depositada na compañeira electa e asume con ilusión e a forza da representatividade obtida no comité o traballo que está por vir.”

O resultado das votacións, nas que participaron 16 das 20 persoas do censo foi o seguinte:

  • 11 votos CUT
  • 4 votos CCOO
  • 1 voto nulo

A CUT, que obtén 1 delegada máis, contará así coa maioría no Comité Intercentros de Aldeas infantís, ao ter 6 representantes (as 3 delegadas de Vigo, 2 delegadas de Redondela e 1 de Compostela-A Coruña) e CCOO 5.

A CUT agradece a confianza depositada na compañeira electa e asume con ilusión e a forza da representatividade obtida no comité o traballo que está por vir.

Somos eu porque somos nós!