O próximo día 10 de xaneiro Nicolás Maduro Moros tomará posesión como Presidente constitucional da República Bolivariana de Venezuela para un novo mandato, como resultado das eleccións celebradas o pasado 28 de xullo.
“Como sindicato de clase, descontextualizar o proceso venezolano da súa aposta anticapitalista e antiimperialista sería como non entender nada.”
A CUT estará presente en Caracas na toma de posesión do Presidente, acompañando o proceso democrático venezolano como non podería ser doutro xeito. Como sindicato de clase, descontextualizar o proceso venezolano da súa aposta anticapitalista e antiimperialista sería como non entender nada.
Do mesmo xeito, a monstrosa campaña internacional protagonizada polos sectores máis recalcitrantes non só da ultradereita e do fascismo só pode ser contestada cun amplo apoio e da solidariedade internacionalista e antifascista.
“Un amplísimo elenco internacional de máis de 2000 persoas, procedentes do ámbito sindical, dos movementos sociais, da cultura e da política de esquerda estaremos en Caracas para enfrontar a política inxerencista do imperialismo americano e da UE.”
Aí é que se enmarca a presenza da CUT o vindeiro día 10 en Caracas. Un amplísimo elenco internacional de máis de 2000 persoas, procedentes do ámbito sindical, dos movementos sociais, da cultura e da política de esquerda estaremos en Caracas para enfrontar a política inxerencista do imperialismo americano e da UE.
A representación da CUT estará formada por Manolo Camaño, Secretario de Relacións Internacionais e por Vítor Mariño, Secretario de Acción Sindical.
