A CUT chama a todas as traballadoras a saír este venres, 1 de maio, ás rúas para combater o fascismo. Porque o fascismo é capitalismo, e o capitalismo é o noso inimigo, sempre.
Únete ás nosas mobilizacións en A Coruña (12:30 h Praza de Pontevedra), Compostela (12:30 h Praza 8 de marzo), Ourense (11 h Subdelegación do Goberno) e Vigo (11 h Praza Fernando o Catolico) contra o fascismo e os seus aliados.
A OTAN, a UE e todos os mecanismos creados tras a II Guerra Mundial coa suposta intención de garantir a paz, son hoxe os cómplices, ben por acción ben por omisión, das guerras provocadas por EEUU e Israel.
Para a clase traballadora a guerra nunca é a solución porque agocha tras de si intereses económicos perversos sen que teñan importancia os mortos e desastres humanos que causan. Por iso, o sindicalismo combativo rexeita a guerra empurrando pola construción dun sistema alleo aos intereses do capital.
Neste 1º de maio, na CUT saímos á rúa coa determinación e alegría necesarias para loitar de fronte contra o fascismo. É hora de pensar por nós e para nós.
Viva o 1º de maio!
Viva a clase traballadora!
