Encontros abertos con Óscar Reina (SAT) en Vigo e Compostela

Encontros abertos con Óscar Reina (SAT) en Vigo e Compostela

10

O Voceiro Nacional do Sindicato Andaluz de Trabajadores/as (SAT) Óscar Reina visitará Galiza da man da CUT esta semana. O compañeiro Reina tomou o relevo na dirección do Sindicato de Cañamero no pasado 2015. Celebraranse nas cidades de Vigo e Compostela dous encontros abertos a todas aquelas persoas que quixeren dialogar con el, interesarse pola situación das traballadoras e traballadores en Andalucía ou polo propio SAT, central que despois dunha tradición de ocupacións e combatividade fronte á pobreza se converteu na central con máis sancións económicas e condenas do Estado Español.
Na cidade de Vigo poderemos atoparnos con el este sábado 12 de marzo ás 10.30 horas; no local da Asociación de Veciños/as da Salgueira, no Camiño do Lourido (localización en GoogleMaps). Pola súa vez en Compostela será o Local Sindical da CUT na rúa de Sar nº 93 – baixo o que abra as súas portas para un encontro aberto que se celebrará ás 11.30 horas do luns 14 de marzo.

Estades todas e todos convidadas. Benvido Óscar!