CONCENTRACIÓNS CONTRA A MODIFICACIÓN DA INTERRUPCIÓN VOLUNTARIA DO EMBARAZO

CONCENTRACIÓNS CONTRA A MODIFICACIÓN DA INTERRUPCIÓN VOLUNTARIA DO EMBARAZO

9

Despois das recentes declaracións do ministro de xustiza Alberto Ruíz Gallardón sobre as novas restriccións que se pretenden aplicar ao actual marco legal para a interrupción voluntaria do embarazo, facemos eco da convocatoria da Marcha Mundial das Mulleres para concentrármonos todos os martes do mes de agosto ás 20:30hs diante do MARCO en Vigo.Estamos ante unha nova ofensiva do goberno neofacista do Partido Popular, que pretende excluir as malformacións conxénitas como suposto para poder interrumpir voluntariamente o embarazo, medida que degrada aínda máis os nosos xa erosionados dereitos sociais e laborais.Con este novo anuncio, a extrema dereita española busca ampliar aínda máis a represión e o control da sociedade, precarizando as nosas condicións de vida ó arrebatarnos o poder de decisión sobre os nosos corpos.Animamos a toda a nosa afiliación a participar nesta e nas demais convocatorias que se lancen desde o movemento feminista galego para visibilizar o noso total desacordo con este novo ataque patriarcal. A interrupción do embarazo é un dereito fundamental das mulleres, e a capacidade adquisitiva non pode ser un escollo á hora de exercelo, polo que desde a CUT nos sumamos a reivindicación de aborto libre, gratuito e na sanidade pública.